काठमाडौं । पछिल्लो २४ घण्टामा देशभर ९६८ जनामा कोरोना भाइरस संक्रमण पुष्टि भएको छ । पीसीआर विधिबाट ११ हजार ५८२ र एन्टिजेन विधिबाट ४ हजार ४६० जनामा परीक्षण ९ सय ६८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यस्तै सोही अवधिमा १११४ जना संक्रमणमुक्त भएका छन् । योसँगै देशभर कोरोना जित्नेको संख्या ७ लाख ७१ हजार ३३८ जना पुगेका छन् ।
योसँगै देशभर कोरोना संक्रमितको कुल संख्या पीसीआर परीक्षणमा ७ लाख ९८ हजार ७६६ र एन्टिजेन विधिको परीक्षणमा ९२ हजार ४५८ जना पुगेको छ ।
पछिल्लो २४ घण्टामा कोरोना संक्रमणबाट ६ जनाले ज्यान गुमाएका छन् । योसँगै मृत्यु हुनेको संख्या ११ हजार १८० जनाको मृत्यु भएको छ
यस्तै हाल देशभर १६ हजार २४८ जना सक्रिय संक्रमित रहेका छन् ।
