काठमाडौं । पछिल्लो २४ घण्टामा देशभर ११५७ जना कोरोनाभाइरस संक्रमित थपिएका छन् । यस्तै सोही अवधिमा १११३ जना संक्रमणमुक्त भएका छन् ।
१४ हजार ५४१ जनाको नमुना परीक्षण गर्दा ११५७ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ७ लाख ९४ हजार १६३ र एन्टिजेन विधिबाट भएको परीक्षणमा ९१ हजार ३७३ पुगेको छ ।
त्यस्तै आज एकै दिन ८ जनाले कोरोना संक्रमणका कारण मृत्युवरण गर्न पुगेका छन् । त्यस्तै हालसम्म ७ लाख ६४ हजार ८४७ जनाले कोरोना भाइरस जितेका छन् ।
हाल देशभर १८ हजार १९३ जना सक्रिय संक्रमित रहेका छन् ।
