काठमाडौं । पछिल्लो २४ घण्टामा देशभर ११५८ जनामा कोरोनाभाइरस संक्रमण पुष्टि भएको छ । सोही अवधिमा १३१८ जना संक्रमणमुक्त भएका छन् । हालसम्म ७ लाख ६३ हजार ७३४ जना निको भएका छन् ।
स्वास्थ्य तथा जनसंख्या मन्त्रालयका अनुसार यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ७ लाख ९३ हजार २७१ र एन्टिजेन विधिबाट भएको परीक्षणमा ९१ हजार १०८ जना पुगेको छ ।
२४ घण्टामा १२ जनाले ज्यान गुमाएका छन् । योसँगै यस्तै हालसम्म कोरोनाबाट ज्यान गुमाउनेको संख्या ११ हजार ११५ जना पुगेको छ ।
हाल देशभर सक्रिय संक्रमित १८ हजार ४२२ जना रहेका छन् ।
