काठमाडौं । पछिल्लो २४ घण्टामा देशभर १२८२ जना कोरोना भाइरसका नयाँ संक्रमित थपिएका छन् । १२ हजार ८१ जनाको पिसिआर परिक्षण गर्दा ९ सय ७५ जनामा र ३ हजार ४ सय ७ जनाको एन्टीजेन परिक्षण गर्दा ३०७ जनामा कोरोना पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संख्या ८ लाख ८३ हजार २ सय २१ पुगेको छ ।
हालसम्म कोरोना संक्रमितको कुल संख्या एन्टिजेन विधिबाट भएको परीक्षणमा ९० हजार ८५४ र पीसीआर विधिबाट भएको परीक्षणमा ७ लाख ९२ हजार ३६७ जना पुगेको छ ।
त्यस्तै सोही अवधिमा १२६२ जनाले कोरोना भाइरस जितेको मन्त्रालयले जनाएको छ । संक्रमितमध्ये हालसम्म ७ लाख ६२ हजार ४१६ जना निको भएका छन् ।
पछिल्लो २४ घण्टामा ७ जनाले ज्यान गुमाएका छन् । योसँगै कोरोना संक्रमणबाट मृत्यु हुनेको संख्या ११ हजार १०३ पुगेको मन्त्रालयले जनाएको छ ।
हाल देशभर १८ हजार ८४८ जना सक्रिय संक्रमित रहेका छन् ।
