नेकपा एमालेबाट राजीनामा दिएका नेता वामदेव गौतमले आफ्नो राजीनामा स्वीकृत हुनु र नहुनुले कुनै अर्थ नराख्ने बताएका छन् । एमालेले आफ्नो राजीनामा अस्वीकृत गरेको सुनेपछि नेता गौतमले भने, ‘म एमालेमा रहन सक्दिनँ भनेको थिएँ, राजीनामा दिएपछि सकियो ।’ गौतमले केपी शर्मा ओलीको नेतृत्वमा बस्न नसक्ने पुनः स्पष्ट पारेका छन् ।
एमालेले राजीनामा अस्वीकृत गरेर निर्वाचन आयोगमा पनि नाम पठाएपछि नेता गौतमले राजीनामा अस्वीकृत गर्नुको कुनै अर्थ नरहेको बताए । वामदेवको राजीनामा अस्वीकृत गरियो भने भोलि उनलाई एमालेमा फर्काउन सकिन्छ कि भन्ने ओलीको दिमागमा लागेको हुन सक्ने गौतमको विश्लेषण छ ।
नेता गौतमले गत भदौ १८ गते एमालेबाट राजीनामा दिएका थिए । राजीनामा पत्रमा उनले केपी ओलीमाथि विभिन्न १० वटा आरोप लगाउँदै एमालेमा बस्न नसकिने स्पष्ट पारेका थिए । तर, एमालेले अहिलेसम्म गौतमको राजीनामा स्वीकृत गरेको छैन ।
त्यसो त गाैतमा नेकपा (एकीकृत समाजवादी)मा प्रवेश गर्ने चर्चा थियो । तर उक्त पार्टीले जवजलाई स्वीकार नगरेको वाहनामा वामदेव गौतम हाल निष्क्रिय छन् । एकीकृत समाजवादीमा कुरा नमिले नयाँ पार्टी दर्ता गर्न सक्ने गाैतम निकट स्रोत बताउँछ ।
_20241020152337.png)
