काठमाडौं । काठमाडौं उपत्यकामा आज थप १८२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौंमा १४२, ललितपुरमा १५ र भक्तपुरमा २५ जना गरी जम्मा १८२ जना संक्रमित थपिएका छन् ।
शुक्रबार देशका विभिन्न ठाउँमा थप ८ सय ३८ जनामा कोरोना संक्रमण पुष्टि भएको छ। यससँगै हालसम्म संक्रमित हुनेको संख्या ३० हजार ४ सय ८३ पुगेको छ।
पछिल्लो २४ घण्टामा थप २५० जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १८ हजार २१४ पुगेको छ ।
मन्त्रालयका अनुसार शुक्रबारसम्म कोरोनाका कारण ज्यान गुमाउनेको संख्या १३७ पुगेको छ । पछिल्लो २४ घण्टायता ११ जनाको निधन भएको थियो ।
