काठमाडौं । पछिल्लो २४ घण्टामा नेपालमा ६४१ जना कोरोना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार १२ हजार २ सय ४७ जनाको पीसीआर विधिबाट परीक्षण गर्दा यी संक्रमित भेटिएका हुन् ।
यो सँगै कुल संक्रमितको संख्या २६ हजार ६ सय ६० पुगेको छ । देशभर ९ हजार २ सय ४१ जना कोरोना भाइरसका सक्रिय संक्रमित रहेका छन् ।
पछिल्लो २४ घण्टामा १३४ जना डिस्चार्ज भएका छन् । यससँगै उपचारपछि निको हुने संक्रमितको संख्या १७ हजार ३३५ पुगेको छ । कोरोनाबाट ज्यान गुमाउनेको संख्या भने १०४ पुगेको छ ।
