काठमाडौं । आज नेपालभर थप ४६८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले गरेको नियमित प्रेस ब्रिफिङमा देशभर थप ४६८ जनालाई कोरोना संक्रमण पुष्टि भएको जानकारी दिएको हो ।
११ हजार ४७ पीसीआर परीक्षण गरिएकोमा ४६८ लाई कोरोना पोजेटिभ देखिएको मन्त्रालयका प्रवक्ता जागेश्वर गौतमले जानकारी दिए । गौतमका अनुसार काठमाडौं उपत्यकामा १०० जना संक्रमित थपिएका छन् ।
काठमाडौंमा ८०, ललितपुरमा ११ र भक्तपुरमा ९ जनामा नयाँ संक्रमण देखिएको प्रवक्ता गौतमले बताए । आज थपिएका संक्रमितसँगै देशभर कोरोना संक्रमितको संख्या २६ हजार १९ पुगेको छ ।
पछिल्लो २४ घण्टामा १२४ जना डिस्चार्ज भएसँगै निको हुनेको संख्या १७ हजार २०१ पुगेको छ । पछिल्लो २४ घण्टायता गप ३ जनाको निधन भएको छ । यसँगै अहिलेसम्म कोरोनाका कारण ज्यान गुमाउनेको संख्या १०२ पुगेको छ ।
