काठमाडौँ : बिहिबार सुनको भाउ प्रति तोला ४ सय रुपैयाले बढेको छ । हिजो बुधबार ७० हजार ८ सय रुपैयामा कारोबार भएको सुन आज प्रति तोला ७१ हजार २ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
यस्तै तेजाबी सुनको भाउ बढेर प्रति तोला ७० हजार ९ सय रुपैयामा कारोबार भइरहेको छ । हिजो प्रति तोला ७० हजार ५ सय रुपैयाँमा कारोबार भइरहेको तेजाबी सुनको भाउ ४ सय रपैयाले बढेको हो । यस्तै आज चाँदी तोलामा १० रुपैयाले बढेर प्रतितोला ८ सय ४० रुपैयाँमा कारोबार भइरहेको महासङघले जनाएको छ ।
