काठमाडौं । काठमाडौं उपत्यकामा आज थप १३४ जना कोरोना संक्रमित थपिएका छन् ।स्वास्थ्य मन्त्रालयका प्रवक्ता डा गौतमले विभिन्न प्रयोगशालामा भएको परिक्षणमा काठमाडौं उपत्यकामा थप १३४ जनामा कोरोना पोजेटिभ देखिएको जानकारी दिएका हुन् ।
नयाँ संक्रमितमा काठमाडौंका ११० जना, ललितपुरका १४ जना र भक्तपुरका १० जना रहेको प्रवक्ता गौतमले जानकारी दिए । स्वास्थ्य मन्त्रालयका प्रवक्ता डाक्टर जागेश्वर गौतमले ६३८ जना संक्रमित थपिएको जानकारी दिएका छन् ।
नेपालमा हाल सक्रिय कोरोना संक्रमितको संख्या ७ हजार २०१ रहेको छ भने डिस्चार्ज भएकासहित अहिलेसम्मका कुल संक्रमितको संख्या २३ हजार ९४८ पुगेको छ । नेपालभर ज्यान गुमाउनेको संख्या ८३ जना पुगेको छ ।
