काठमाडौं । नेपालमा आइतबार २ सय ४६ जना कोरोनाका नयाँ संक्रमित थपिएका छन् । योसँगै देशभर कोरोना संक्रमितको कुल संख्या २० हजार ३३२ पुगेको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले उक्त कुराको जानकारी दिएका हुन् ।
गौतमका अनुसार पछिल्लो २४ घण्टामा ८ हजार ८ सय ६१ जनाको पिसिआर परीक्षण गरिएको छ। यस्तै, आइतबार १११ डिस्चार्ज भएका छन्। हालसम्म १४ हजार ६ सय ३ जना निको भएका छन्।
कोरोनाको कारण ५७ जनाको निधन भैसकेको छ ।
