काठमाडौं । पछिल्लो २४ घण्टामा ५५४ जना कोरोना संक्रमित फेला परेका छन् । स्वास्थ्य तथा जनसंख्या मन्त्रालयका अनुसार ४३४ जना पुरुष र १२० जना महिला गरी ५५४ संक्रमित फेला परेका हुन् ।
यससँगै नेपालमा कोरोना संक्रमितको संख्या १२ हजार ३ सय ९ पुगेको छ । नेपालका ७७ जिल्लामै कोरोना संक्रमण फैलिएको छ । यसअघि रसुवा संक्रमणमुक्त रहेकोमा शनिबार सो जिल्लामा पनि संक्रमित भेटिएका छन् ।
आज १२६ जना डिस्चार्ज भएका छन् । १८ महिला र ११८ पुरुष गरी १२६ संक्रमित उपचारपछि डिस्चार्ज भएका हुन् । यससँगै नेपालमा संक्रमण मुक्त हुनेको संख्या २ हजार ८ सय ३४ पुगेको छ । संक्रमितमध्ये २८ जनाको निधन भैसकेको छ ।
-1732430808_20241124123911.jpg)
