काठमाडाैं । विश्वमा कोरोना भाइरस सङ्क्रमण पुष्टि हुने व्यक्तिको सङ्ख्या ९९ लाखभन्दा बढी पुगेको छ । २४ घण्टामा विश्वभर सङ्क्रमण पुष्टि हुनेको सङ्ख्या एक लाख ७७ हजार बढी र कूल सङ्क्रमितको सङ्ख्या ९९ लाख १० हजारभन्दा बढी पुगेको छ ।
शनिबारसम्म विश्वभर कोरोना महामारीका कारण मृत्यु हुनेको सङ्ख्या चार लाख ९७ हजार १ पुगेको सम्बन्धित देशहरूद्वारा उपलब्ध गराइएको तथ्याङ्कमा उल्लेख छ । विश्व स्वास्थ्य संगठनको अघिल्लो दिनको तथ्याङ्कमा २४ घण्टामा कोरोना भाइरस सङ्क्रमणको महामारीका कारण नयाँ सङ्क्रमित हुनेको सङ्ख्या एक लाख ६७ हजार ५६ रहेको थियो भने पाँच हजार ३३६ जनाको मृत्यु भएको थियो ।
विश्वमा कोभिड–१९ महामारीका कारण सबैभन्दा बढी सङ्क्रमित तथा मृतकको अमेरिकामा रहेको छ यूरोपमा करिब २६ लाख सङ्क्रमित रहेका छन् । त्यस्तै एशियामा २१ लाख २२ हजारभन्दा बढी व्यक्तिमा सङ्क्रमण पुष्टि भएको छ ।
सङ्क्रमणका आधारमा भन्ने हो भने कोरोनाभाइबाट बढी प्रभावित हुने मुलुकहरूमा क्रमशः अमेरिका, ब्राजिल, रूस, भारत बेलायत स्पेन पेरू, चिली, इटाली र इरान रहेका छन् । दक्षिण एशियाली मुलुकहरूमा भारत सबैभन्दा बढी प्रभावित मुलुक हो भने पाकिस्तान, बङ्गलादेश र अफगानिस्तान रहेका छन् ।
यी हुन् अति प्रभावित १० देश:
-1732430808_20241124123911.jpg)
