काठमाडौं । चितवनको भरतपुर अस्पतालको प्रयोगशालामा गरिएको परीक्षणमा पाल्पाका ९३ जनामा कोरोना भाइरसको संक्रमण देखिएको छ । भरतपुर अस्पतालले आज बिहान सूचना निकालेर असार दश गते गरिएको पीसीआर परीक्षणमा ९३ जनामा संक्रमण देखिएको जनाएको छ ।
पाल्पाका विभिन्न ठाउँबाट २ सय ३४ वटा नमूना परीक्षणका लागि भरतपुर ल्याइएको थियो । प्रयोगशाला सञ्चालन पछि सबैभन्दा धेरै संक्रमित भेटिएको यो पहिलो पटक हो ।
यसअघि जेठ २६ मा एकै दिन तीस संक्रमित फेला परेका थिए । यससँगै पाल्पामा कोरोना संक्रमितको संख्या ३२४ पुगेको छ । संक्रमितमध्ये १ जनाको निधन भैसकेको छ ।
-1732430808_20241124123911.jpg)
