काठमाडौं । बहुप्रतिक्षित भनिएको सत्तारुढ नेपाल कम्युनिस्ट पार्टी नेकपाको स्थायी कमिटी बैठक एजेन्डामै प्रवेश नगरी स्थगित भएको छ । बैठकमा अध्यक्षद्वयले आफ्नो विचार राखेपछि अन्य एजेन्डामा प्रवेश नै नगरी बैठक स्थगित भएको हो । प्रधानमन्त्री निवास बालुवाटारमा बिहान ११:३० बाट सुरू भएको बैठक दिउँसो २:३० बजे स्थगित भएको हो ।
आजको बैठक सुरुवात मात्र भएकाले अध्यक्षद्वयले आफ्नो विचार राखेको र बैठकमा क्रमश छलफल अघि बढाइने नेता देव गुरुङले जानकारी दिए । बैठकको बारेमा जानकारी दिँदै पार्टी प्रवक्ता नारायणकाजी श्रेष्ठले अध्यक्षद्वय केपी शर्मा ओली र पुष्पकमल दाहाल प्रचण्डले तय गरेको एजेन्डा महासचिव विष्णु पौडेलले प्रस्तुत गरेको जानकारी दिए ।
महासचिव पौडेलले बैठकका एजेन्डा सार्वजनिक गर्दै नेकपाका अध्यक्षद्वय केपी शर्मा ओली र पुष्पकमल दाहाल प्रचण्डले वर्तमान परिस्थिति र स्थायी कमिटी बैठकका बारेमा धारणा राख्ने बताए । त्यस्तै सरकारको कामका बारेमा हुने समीक्षा पनि एजेन्डामा राखिएको जानकारी दिए । अर्को बैठक फेरि शुक्रबार बस्नेछ ।
सरकारले गरेको काममध्ये कोविड १९ नियन्त्रण रोकथाम र उपचारका क्रममा सरकारले गरेको कामका बारेमा छलफल गर्ने एजेन्डा तय भएको छ । त्यस्तै नेपालको सीमा समस्या र समाधानका क्षेत्रमा भइरहेको कामका बारेमा पनि समीक्षा हुने एजेन्डा तय गरिएको छ ।
त्यस्तै बैठकमा पार्टी एकताका बाँकी कामलाई टुंग्याउने विषयमा पनि छलफल हुने छ । बैठकमा अमेरिकी अनुदान सहयोग एमसीसीका विषयमा पनि कुराकानी हुनेछ ।
-1732430808_20241124123911.jpg)
