काठमाडौं । उच्च हिमाली जिल्ला मुस्ताङमा पनि कोरोना संक्रमित फेला परेका छन् । मुस्ताङमा पहिलो केस पुष्टि भएसँगै अब दुई जिल्लामा मात्र संक्रमण फैलन बाँकी छ । ७७ जिल्लामध्ये अब ओखलढुङ्गा र रसुवामा संक्रमित फेला परेका छैनन् ।
गण्डकी प्रदेश स्वास्थ्य सेवा निर्देशनालयका अनुसार घरपझोङ गाउँपालिका १ छैरीको तिव्वतिउन क्याम्पमा बस्ने ८३ वर्षी पुरुषमा कोरोना संक्रमण पुष्टि भएको हो । निर्देशनालयका अनुसार उनी जेठ ३१ गते काठमाडौँ बौद्धबाट मुस्ताङ पुगेका थिए ।
आरडीटी परीक्षण पोजेटिभ देखिएपछि पीसीआर परीक्षण भउको थियो । पीसीआर पनि पोजेटिभ पाइएपछि हाल आइसोलेसनमा राखेर उपचार भइरहेको छ । पोखरामा उनको पीसीआर परीक्षण भएको हो ।
उनलाई जिल्ला अस्पताल जोमसोममा आइसोलेसनमा राखिएको छ ।
रक्तचापको नियमित औषधि सेवन गरिरहेका उनको दुबै आँखाको दृष्टि कमजोर रहेको र आफ्नो स्याहर गर्न नसक्ने अवस्थामा रहेको निर्देशनालयले जनाएको छ । कोभिड पोजेटिभ देखिए पनि अन्य स्वास्थ्य अवस्था भने सामान्य रहेको निर्देशनालयले जनाएको छ । 
-1732430808_20241124123911.jpg)
