काठमाडौँ सिन्धुपाल्चोक राम्चेकी एक महिलाको मृत्युको कारणबारे स्वास्थ्य तथा जनसंख्या मन्त्रालयले अध्ययन सुरु गरेको छ । मन्त्रालयको टोली अहिले धुलिखेल अस्पताल पुगेको छ । स्वाशप्रश्वासमा समस्या देखिएपछि बिहीबार उनलाई धुलिखेल अस्पताल ल्याइएको थियो । अस्पताल पुर्याएको केही क्षणमै उनको मृत्यु भएको थियो ।
स्वास्थ्य मन्त्रालयले मृत्युबारे अध्ययन भइरहेको जनाएको छ । मन्त्रालयका प्रवक्ता विकास देवकोटाले घटनाबारे अध्ययन भइरहेको र चाँडै सत्यतथ्य सार्वजनिक हुने बताए । मन्त्रालयको नियमित प्रेस ब्रिफिङमा देवकोटाले सामान्य अवस्थामा सुत्केरी भएकी महिलामा स्वासप्रश्वासमा समस्या देखिएपछि अस्पताल ल्याइएको जानकारी दिए ।
वैशाख २५ गते ती महिलालाई शिक्षण अस्पतालले डिस्चार्ज गरेपछि दुई दिन बालाजुस्थित डेरामा राखेर घर पु¥याइएको थियो । घर पुर्याएपछि स्वास्थ्यमा समस्या देखिएको थियो । स्वास्थ्य समस्या आएपछि स्थानीय प्राथमिक स्वास्थ्य केन्द्रमा पनि लगिएको थियो । प्राथमिक केन्द्रले धुलिखेल लैजान सुझाव दिएको थियो ।
धुलिखेलमा मृत्युपछि महिलाको स्वाब संकलन गरी कोरोना परीक्षण गरिएको थियो । कोरोना परीक्षण पोजेटिभ देखिएको अस्पताल स्रोतको भनाई छ ।
थप परीक्षण कार्यका लागि स्वाब जनस्वास्थ्य प्रयोगशाला टेकु पठाइएको छ। उक्त रिपोर्ट आइसकेको छैन ।
स्वास्थ्यको टोली धुलिखेल पुगेसँगै मृतकको अन्त्योष्टिको पनि तयारी थालिएको छ । आवश्यक सतर्कतासहित पशुपतिस्थित विद्युतीय शवदाह गृहमा अन्त्येष्टि गर्ने तयारी गरिएको छ ।
_Oixgbu7biF_20240519150546.jpg)
