स्वास्थ्य तथा जनसंख्या मन्त्रालयले बिहीबार बिहान ७ जना नयाँ संक्रमित थपिएको भनेर दिएको त्रुटिपूर्ण तथ्यांक सच्याएको छ।
कपिलबस्तु र काठमाडौंबाहेक धनुषा, महोत्तरी र सर्लाहीमा ५ जना नयाँ संक्रमित थपिएको भनेर मन्त्रालयले सूचना दिएको थियो।
धनुषा, महोत्तरी र सर्लाहीमा पाँचजना संक्रमित पाइएको पुष्टि गएको मंगलबार नै मन्त्रालयले गरेको थियो। तर बिहीबार बिहानको रिपोर्टमा तिनै बिरामी दोहोरिएका भन्दै रिपोर्ट पुनः सच्याइएको छ।
