काठमाडौँः संसद्को बजेट अधिवेशनमा काठमाडौँ बाहिरबाट आाउने सांसदको कोरोना परीक्षण हुने भएको छ । मंगलबार बसेको कार्यव्यवस्था परामर्श समितिले जोखिमपूर्ण क्षेत्रबाट आएका सांसदको कोरोना परीक्षण गर्ने निर्णय गरेको हो ।
परीक्षणका लागि स्वास्थ्य तथा जनसंख्या मन्त्रालयलाई आग्रह गर्ने समितिले निर्णय गरेको हो । स्वास्थ्यले तोकेको मापदण्ड अनुसार सांसदको स्वास्थ्य परीक्षण हुनेछ । आवश्यकता अनुसार आरडीटी र पीसीआर परीक्षण हुनेछ ।
यस्तै, संसद् बैठक कक्षलाई सुरक्षित बनाइने छ । मास्क स्यानिटाइजर लगयातको व्यवस्था सचिवालयले गर्नेछ ।
सांसदसँगै आवश्यकता अनुसार सुरक्षाकर्मी, कर्मचारीको पनि स्वास्थ्य परीक्षण हुनेछ ।