काठमाडौं सत्तारुढ नेपाल कम्युनिस्ट पार्टी (नेकपा) को आन्तरिक विवाद चुलिँदै जाँदा उत्तरी छिमेकी चीनले सक्रियतापूर्वक चासो जनाएको छ । केही दिनयता आन्तरिक विवाद थप चर्किएपछि शुक्रबारमात्र राजदूत होउ यान्छीले नेकपाका शीर्ष नेतासँग भेट गरेकी छन्।
राजदूत यान्छीले शुक्रबार
प्रधानमन्त्री केपी शर्मा ओलीसँग लामो भेटवार्ता गरेकी छिन् । प्रधानमन्त्रीसँगको
भेटपछि अर्का अध्यक्ष पुष्पकमल दाहालसँग पनि भेट गरेकी छिन्।
उनले पूर्व प्रधानमन्त्री माधवकुमार
नेपालसँग पनि शुक्रबार नै भेट गरेकी छिन् ।
भेटबारे औपचारिक रुपमा दुई देशबीचको
सम्बन्धबारे छलफल भएको बताइएको छ । कोरोना भाइरस रोकथामका लागि चीनले सहयता गर्ने
प्रतिवद्धतालाई औपचारिक रुपमा सार्वजनिक गरिएको छ । तर, नेकपामा विवाद बढिरहेका बेला चिनियाँ चासो भने सातायता निकै बढेको छ ।
दुई कम्युनिस्ट पार्टीलाई एक गराउन
भूमिका खेलेको दावी यसअघि गरिँदै आएको थियो । पार्टी विभाजनसम्मको विवाद देखा
परेपछि राजदूतले नेताहरुलाई भेट गर्नु अर्थपूर्ण रुपमा हेरिएको छ ।
स्रोतहरुको दाबी अनुसार चिनियाँ
राष्ट्रपति सी जिनपिङले राष्ट्रपति विद्यादेवी भण्डारीसँग टेलिफोन वार्ता गरेका
छन् । यस्तै, चिनियाँ कम्युनिस्ट पार्टीका नेताहरुले नेकपाका नेताहरुसँग
पनि सम्वाद गरिरहेका छन् ।
आन्तरिक मामिलामा मौन
बस्ने चीनले पनि पछिल्लो समय देखिने गरी चासो राख्न थालेको छ । सत्ता समीकरण र
दलभित्रको विवादमा पनि योपटक चीनले चासो राखेको हो ।