काठमाडौँः कोरोना कहरका कारण सरकारले लोक सेवा आयोगको नियमित तालिका अनुसारका सबै परीक्षा र विज्ञापन अर्को सूचना नभएसम्मका लागि स्थगित गरेको छ। वैशाख १४ गतेको मन्त्रिपरिषद् बैठकको निर्णय अनुसार परीक्षा र सबै विज्ञापन स्थगन गरिएको हो ।
मन्त्रिपरिषद्को निर्णय सार्वजनिक गर्दै सञ्चार तथा सूचना प्रविधिमन्त्री डा. युवराज खतिवडाले अर्को सूचना नभएसम्मका लागि परीक्षा र विज्ञापन दुबै स्थगित भएको बताए।
निर्णय अनुसार हाल विज्ञापन भइसकेका परीक्षा पनि स्थगित भएका छन् । भने, नयाँ दरवन्दी अनुसारको पदपूर्ति पनि हुने छैनन्।
मन्त्रिपरिषद्ले इपिइस प्रणाली अन्तर्गत कोरियामा काम गरिरहेका तर हाल छुट्टीमा आएका नागरिकलाई काममा फर्कन चाहेमा स्वास्थ्य परीक्षण गरेर जान दिने निर्णय गरेको छ । यसरी जाँदाको खर्च खर्च कामदार स्वयमले बेहोर्नु पर्नेछ।
