काठमाडौँः आन्तरिक विवाद बढ्दै जाँदा सत्तारुढ नेपाल कम्युनिस्ट पार्टी (नेकपा) मा एक अर्को गुटविरुद्ध हस्ताक्षर अभियान चलाइएको छ । एकीकृत पार्टीको पूर्व एमाले समूहले संसदीय दलमा बहुमत सिद्ध गर्ने उदेश्यले हस्ताक्षर अभियान चलाएको हो ।
मंगलबार नेता माधव नेपाल समूहले
हस्ताक्षर सुरु गरेको थियो ।
नेपाल समूहले हस्ताक्षर अभियान सुरु
गरेपछि बुधबार प्रधानमन्त्रीको सरकारी निवासमा नै हस्ताक्षर अभियान चल्यो ।
पार्टीभित्र अल्पमतमा रहेको बताइएका ओलीले संसदीय दलमा आफू सुविधाजनक अवस्थामा
रहेको देखाउन हस्ताक्षर अभियान चलाए । ओली निकटका सांसदहरुको सक्रियतामा अभियान
जारी छ ।
हस्ताक्षर अभियानमा नेकपाभित्रका पनि
पूर्व एमालेका सांसदहरु सहभागी छन्।
प्रधानमन्त्री ओली निकट सांसदहरुले
९२ जना सदस्यको हस्ताक्षर संकलन भइसकेको दाबी गरेका छन् । जुन संसदीय दलको बहुमतका
लागि पर्याप्त संख्या हो । यसअघि ओली समूहसँग ७८ सांसद रहेको दावी थियो । अन्य
समूहका समेत गरी ९२ सांसद पुगेको र संसदीय दलमा बहुमत रहेको दावी ओली निकट सांसदको
छ । ६० भन्दा बढीको हस्ताक्षर भइसकेको र अन्यको प्रतिवद्धता रहेको उनीहरुको दावी छ
।
यता नेपाल समूहले पनि ४७ सदस्यको
हस्ताक्षर भइसकेको दावी गरेको छ ।
नेपाल र ओलीको दावी अनुसार १३५ भन्दा
बढी सदस्य हस्ताक्षरमा सहभागी छन्। पूर्व माओवादी हस्ताक्षर अभियानमा सहभागी
नहुँदा दुई पक्षले गरेको दावी गलत भएको तथ्याङ्कले नै स्पष्ट पार्छ । किनकि पूर्व
एमालेका १२१ मात्र सदस्य छन् ।
संसदीय दलमा बहुमत पु¥याउनका लागि कुनै पनि समूहलाई ८८ सांसद आवश्यक पर्छ । अहिलेको
समीकरण अनुसार पूर्व एमाले दुई खेमामा विभाजन हुँदा बहुमत कसैको पनि सम्भवन छैन ।
पूर्व माओवादीले साथ दिने समूहले नै बहुमत पु¥याउन सक्छ । तर, प्रधानमन्त्री
ओलीले भने आफूसँग बहुमत रहेको दावी गर्दै आएका छन् ।