काठमाडौं। नेकपा (एमाले) को नवगठित नेशनल भोलिन्टियर्स फोर्सका प्रमुख कमाण्डर पुष्पराज श्रेष्ठले हामी नेपालका संयोजक सुदन गुरुङलाई जेनजी आन्दोलनको हाईज्याकरको संज्ञा दिएका छन् ।
सुदनलगायतका अराजकहरुको समूहले पार्टी कामको सिलसिलामा काठमाडौंमा रहेका पूर्वमन्त्री किसान श्रेष्ठको सिमरामा रहेको घरमा पुगेर गुण्डागर्दी शैलाीमा परिवारका सदस्य तथा घरको पूनर्निमाणमा खटिएका कामदारलाई धम्काएकोप्रति संगठनको ध्यानाकार्षण भएको जनाएका छन् ।
उनले सुशीला कार्की नेतृत्वको वर्तमान सरकारलाई असंवैधानिक भनेका छन् । उनले जारी गरेको विज्ञप्तीमा भनिएको छ,‘असंवैधानिक सुशीला कार्की नेतृत्वको सरकार अपराधीहरुलाई कारवाही गर्नुको सट्टामा संरक्षणमा लाग्नुले सरकार लोकतन्त्रमा होईन अराजकतामा विश्वास गर्छ र त्यसलाई प्रशय दिन्छ भन्ने पुष्टि हुन्छ । तसर्थ देश, जनता र पार्टी पँक्तिको सुरक्षाको लागि जनताको सुरक्षा जनतामार्फत नै भन्ने उद्देश्यले स्थापना भएको हाम्रो संगठन सुदन गुरुङ र सम्राट उपाध्यायलगायत अराजक झुण्डहरुलाई यथाशीघ्र आवश्यक अघि बढाउन जोडदार माग गर्दछ र साथै सरकारले उक्त घटनाको संवेदनशीलतालाई नबुझ्ने हो र अपराधीलाई उन्मुक्ति दिने हो परिस्थितिजन्य प्रतिरोधको जिम्मेवारी सरकारले लिनुपर्ने चेतावनी पनि दिन चाहन्छौं ।’
_20251031075116.JPG)
