देश रोएको बेला बालेन हाँस्दै बसेको हर्क सम्पाङको आरोप

काठमाडौं। धरान उपमहानगरपालिका प्रमुख हर्क साम्पाङले देश रोएको बेलामा काठमाडौं महानगरपालिकाका प्रमुख बालेन्द्र शाह भने हाँस्दै बसेको टिप्पणी गरेका छन् ।

साम्पाङले सामाजिक सञ्जाल फेसबुकमा बालेनविरुद्ध निरन्तर असन्तुष्टि पोख्दै आएको थिए । साम्पाङले पोख्दै आएको असन्तुष्टिलाई मत्थर पार्ने उद्देश्यले बालेनले सामाजिक सञ्जालबाट भनेका थिए, ‘डियर हर्क साम्पाङ, तिमीले मलाई जति गाली गरे पनि म तिमीलाई माया गर्न छोड्दिन । एक तर्फी नै सही, तर मेरो माया साँचो हो । यू आर माई ट्रु लभ ।’

त्यसपछि बालेनलाई जवाफ फर्काउँदै सम्पाङले लुकेर गेम खेल्दै स्टेटस लेखेको बताएका छन् । उनले ‘देशले के कति गुमायो त्यो थाहा छ ?’ भन्दै बालेनलाई भनेका छन्, ‘देश रोएको बेला ऊ हाँस्दै बसेको छ ।’