आजबाट एमाले विधान महाधिवेशन

काठमाडौं। नेपाल कम्युनिस्ट पार्टी (एमाले) दोस्रो विधान महाधिवेशन शुक्रबार (आज)बाट सुरु हुँदै छ। ललितपुर गोदावरीमा हुने विधान महाधिवेशन बिहान ११ बजे अध्यक्ष केपी शर्मा ओलीले उद्घाटन गर्दै छन् ।

महाधिवेशनस्थल गोदावरी पार्टीको हसिया हथौंडा र चुनाव चिह्न सूर्यअंकित झन्डाले दुलहीझै सिँगारिएको छ। महाविधेशन उद्घाटनअघि बिहीबार बसेको एमाले सचिवालय बैठकले विधानबाहेकका ६ वटा प्रतिवेदन पारित गर्दै महाविधेवशनमा पेस गर्ने गर्ने निर्णय गरेको छ । बैठकले अध्यक्ष ओलीको ‘राजनीतिक प्रतिवेदन’ र महासचिव शंकर पोखरेलको ‘संगठनात्मक प्रतिवेदन’ पारित गरेर हलमा प्रस्तुत गर्ने निर्णयसमेत गरेको छ ।

यसैगरी, बैठकले केन्द्रीय अनुशासन आयोगका तर्फबाट अध्यक्ष केशव बडाल, केन्द्रीय लेखा आयोगका तर्फबाट अध्यक्ष डा. पुष्प कँडेल, केन्द्रीय निर्वाचन आयोगका तर्फबाट अध्यक्ष डा. विजय सुब्बा र केन्द्रीय सल्लाहकार परिषद् अध्यक्ष अमृतकुमार बोहोराले पेस गर्ने प्रतिवेदन पनि पारित गरेको छ।

सभा हलको पर्खालसँगै मिडिया सेन्टर व्यवस्था गरिएको छ । पूर्ण वाइफाई जोनसहितको सेन्टरमा डिजिटल बोर्ड छ। प्रतिनिधि, पर्यवेक्षकको परिचयपत्र मूलगेटमा मात्रै होइन, हलभित्र पस्दासमेत पुनः स्क्यान गरिन्छ । त्यहीँबाट स्वयंसेवकले ‘कसलाई कुन द्वार र कुन सिटमा बस्ने

उपाध्यक्ष विष्णुप्रसाद पौडेलले महाविधेशनमा पेस गर्ने विधान संशोधनसम्बन्धी प्रस्ताव यसअघि केन्द्रीय कमिटी बैठकबाट पारित भइसकेको भन्दै सचिवालयले यस विषयमा थप निर्णय गरेन । एमालेले विधान मस्यौदा र अध्यक्षसहितले पेस गर्ने विभिन्न ७ वटा प्रतिवेदन पारित गर्न गत १३ भदौमा केन्द्रीय कमिटी बैठक डाके पनि अन्तिम समय स्थगन गरी सचिवालयमार्फत् निर्णय गराएको हो ।

पूर्वउपाध्यक्ष विद्या भण्डारीको सदस्यता विवाद तथा विधानको ७० वर्षे उमेर हद र दुईभन्दा बढी कार्यकाल पदाधिकारीमा नेतृत्व गर्न पाउने विधानको प्रस्तावित व्यवस्था विवादमा परेपछि केन्द्रीय कमिटी छलेर एमालेले सचिवालयमार्फत् प्रतिवेदन पारित गरेर हलमा लैजाने निर्णय लिएको हो । केन्द्रीय कमिटी बैठक नबसेकै कारण भण्डारीको सदस्यता सक्रिय पार्नुपर्ने पक्षमा रहेका वरिष्ठ उपाध्यक्ष ईश्वर पोखरेलसहितका तीन पदाधिकारीले महाधिवेशनमा ‘फरक मत’ दता गर्ने तयारीसमेत गरेका थिए ।

तर अन्तिममा आएर भण्डारी समूहका तर्फबाट स्थायी कमिटी सदस्य कर्ण थापाले मात्र केन्द्रीय कार्यालयमा फरक मत दर्ता गराएका छन् । थापाले भण्डारीको सदस्यता सक्रिय पार्नुपर्नेगरी राखेकाबाहेकका विधानसम्वन्धी ‘फरक मत’मा भने महाधिवेशन हलमा छलफल हुने भएको छ । ललितपुर सातदोबाटोदेखि गोदावरीसम्म १८ वटा भव्य स्वागतद्वार निर्माण गरिएको छ ।

यस्तै बिजुलीका खम्बामा पार्टीको हसिया हथौडा चिन्ह र चुनाव चिन्ह सूर्य ध्वजावाहक झन्डाले सिंगारिएको छ। महाधिवेशन स्थल ‘एमाले डिजिटल वल्र्ड’ अवधारणामा आधारित छ । एमालेले ‘निर्णायक राष्ट्रिय शक्ति निर्माण हाम्रो संकल्प, समृद्ध नेपाल सुखी नेपाली राष्ट्रिय गन्तव्य’ मूल नारा अघि सारेको छ । महाधिवेशन सभाहलसम्म पुग्दा नविन प्रकारको ‘माक्र्ससिजम् डिजिटल वल्र्ड’मा छिरेको अनुभव हुने एमालेको बुझाइ छ ।

एमाले स्थायी कमिटीका सदस्य विनोद श्रेष्ठले पार्टीको पाँचौ ं महाधिवेशनदेखि बाँस, काठ, हस्तलिखित ब्यानरबाट मञ्च, स्वागतद्वारा निर्माण गरिएको बताए । तर अहिले सनराइज सभा हललाई पुरै ‘डिजिटल सिस्टम’मा जोडिएको उनले बताए । सभा हलको सिट संख्या २ हजार ८ सय ४० वटा छ ।

हलभित्र छिर्ने ४ वटा प्रवेश द्वार छन् । पहिलो द्वारबाट भिभिआइपी पार्टी अध्यक्ष तथा प्रधानमन्त्री केपी शर्मा ओलीको मात्रै प्रवेश गर्नेछन् । अन्य पदाधिकारी, मन्त्री, मुख्यमन्त्री सबै दोस्रो र तेस्रो प्रवेशद्वारबाट प्रतिनिधिसँगै प्रवेश गर्ने छन् । परिचय स्क्यान गर्ने ६ वटा कम्प्युटरका बुथ छन् । त्यही बुथबाट प्रतिनिधि, पर्यवेक्षक, स्वयंसेवकहरूले प्रवेश पाउने छन् ।

मूल प्रवेश द्वारबाट प्रवेश गर्दा साथ हलको छतबाट पार्टी र चुनाव चिन्ह सूर्य अंकित झण्डा लहरै फहराएका छन् । अन्तिम प्रवेश द्वारबाट क्याटरिङका लागि खाद्यान्न, खानेपानी ढुवानीका लागि खुला गरिएको छ । दोस्रो र तेस्रो प्रवेशद्वारबाट महाधिवेशन हल छिर्दासाथ दायातिर प्रधानमन्त्री ओलीको पूर्णकदसहित हात उठाएको तस्बिर, दोस्रो विधान महाधिवेशनको लोगो राखिएको छ ।

हलको भित्तामा महाधिवेशनको लोगो, एमाले र अंग्रेजीमा ‘सीपीएन यूएमल’ले स्वागत गरिएको छ । बायाँतिर नेकपाका संस्थापक महासचिव पुष्पलाल, पूर्वमहासचिव मदन भण्डारी र पूर्वप्रधानमन्त्री मनमोहन अधिकारीको पूर्णकदको तस्बिर राखिएको छ । पश्चिमतिर कार्लमाक्र्स, एङ्ेल्स र लेनिनको पूर्ण कदसहित तस्बिर राखिएको छ । हलभित्र २२ सय स्क्वार फिट डिजिटल बोर्ड राखिएको छ ।

सभा हलको पर्खालसँगै मिडिया सेन्टर व्यवस्था गरिएको छ । पूर्ण वाइफाई जोनसहितको सेन्टरमा डिजिटल बोर्ड छ । प्रतिनिधि, पर्यवेक्षकको परिचयपत्र मूलगेटमा मात्रै होइन, हलभित्र पस्दासमेत पुनः स्क्यान गरिन्छ । त्यहीँबाट स्वयंसेवकले ‘कसलाई कुन द्वार र कुन सिटमा बस्ने ?’ भनेर व्यवस्था मिलाउने छन् । अध्यक्ष तथा प्रधानमन्त्री ओलीले कसरी उद्घाटन गर्ने त्यसको डिजिटल कन्सेप्ट अझै टुङ्गो नलागेको उनले बताए । मञ्च व्यवस्थापन संयोजक श्रेष्ठले भने, ‘तर परम्परागत उद्घाटन, स्वागत, शुभकामना मन्तव्य जस्ता कार्यक्रम रहने छैन ।

उद्घाटनको सत्र १२ मिनेटभित्र सकिने छ । उद्घाटन समारोहमा मंगलधुन, शहीदको सम्झनामा शोक धुन, राष्ट्रिय धुन, अन्तर्राष्ट्रिय कम्युनिस्ट गीतको धुन बज्ने छ ।’ उद्घाटन समारोहमा सभा हलभित्र धुन बजिरहँदा बाहिर मिडिया सेन्टरमा कलाकारहरूले आर्ट बनाउने र त्यसको लाइभ भित्र हलमा पनि गरिने उनले बताए । झाँकीहरू हल बाहिर नै प्रदर्शनको व्यवस्था गरिएको छ । उद्घाटन लगत्तै पार्टीका उपाध्यक्ष विष्णुप्रसाद पौडेलद्वारा विधान संशोधन सम्बन्धी प्रस्ताव र महासचिव शंकर पोखरेलद्वारा संगठनात्मक प्रतिवेदन प्रस्तुत गर्नेछन् ।

यसैगरी केन्द्रीय अनुशासन आयोगका तर्फबाट अध्यक्ष केशव बडाल, केन्द्रीय लेखा आयोगका तर्फबाट अध्यक्ष डा. पुष्प कँडेल, केन्द्रीय निर्वाचन आयोगका तर्फबाट अध्यक्ष डा. विजय सुब्बा र केन्द्रीय सल्लाहकार परिषद्का अध्यक्ष अमृतकुमार बोहोराले आ–आफ्ना निकायको प्रतिवेदन प्रस्तुत गर्ने स्थायी कमिटी सदस्य एवं प्रचार विभाग प्रमुख राजेन्द्र गौतमले बताए । दोस्रो विधान महाधिवेशनमा २ हजार २६ जना प्रतिनिधि र आयोजकका हैसियतमा ३ सय १५ जना थप गरी कुल २३ सय ४१ जनाको सहभागी रहने छन् ।

स्वयंसेवक, सुरक्षा निकायसहित ३५ सय जनालाई खानाको व्यवस्था गरिएको छ । शुक्रबार नै सबै प्रतिवेदन माथिको छलफलका लागि १० समूहमा विभाजन गरी छलफल गराइने छ । त्यसका लागि माथि छतमा ४, हल प्रवेश छेउमा २, हलभित्र २ र बाहिर क्याटरिङ स्थलमा २ वटा समूह छलफलको लागि व्यवस्था मिलाइएको छ । ललितपुर सातदोबाटो चोकबाट महाधिवेशन स्थलसम्म यातायात व्यवस्था र सातदोबाटोदेखि महाधिवेशन स्थलसम्म विभिन्न पार्टी कमिटी र जनसंगठनका तर्फबाट स्वागतद्वारका अतिरिक्त उपत्यकाका विभिन्न स्थानहरूमा स्वागत गेटहरू निर्माणलगायत आवश्यक सबै काम पूरा भइसकेको छ ।