काठमाडौं । पछिल्लो २४ घण्टामा देशभर २११ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभर गरिएको ९ हजार ४५१ नमुना परीक्षणका क्रममा २११ जनामा संक्रमण पुष्टि भएको जनाएको छ ।
त्यस्तै सोही समयमा देशभर ३२९ जनाले कोरोना जितेका छन् ।
यस्तै पछिल्लो २४ घण्टामा थप २ जनाको कोरोना संक्रमणबाट मृत्यु भएको मन्त्रालयले जनाएको छ ।
हाल देशभर ६ हजार १०५ जना सक्रिय संक्रमित रहेका छन् ।
