काठमाडौं । पछिल्लो २४ घण्टामा देशभर २८० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभर ९ हजार १ सय ६८ जनामा गरिएको पीसीआर परीक्षणबाट २५५ जनामा र ३ हजार ६ जनामा गरिएको एन्टीजेन परीक्षणबाट २५ जनामा संक्रमण पुष्टि भएको हो ।
त्यस्तै सोही समयमा ३६६ जनाले कोरोना जितेका छन् । हाल देशभर सक्रिय कोरोना संक्रमितको संख्या ६ हजार २३९ पुगेको छ।
त्यसैगरी पछिल्लो २४ घण्टामा २ जनाको मृत्यु भएको छ । योसँगै हालसम्म देशभर ११ हजार ५४५ जना संक्रमितको मृत्यु भएको छ ।
काठमाडौं उपत्यकामा १४६ जना संक्रमित भेटिएका छन् । जसमध्ये काठमाडौंमा १००, ललितपुरमा ३१ र भक्तपुरमा १५ जना संक्रमित भेटिएका छन् ।
पछिल्लो २४ घण्टामा २ लाख ८३ हजार १३२ जनाले कोरोना भाइरस विरुद्धको खोप लगाएका छन् ।
