काठमाडौं । सेयर बजार परिसूचक नेप्से बुधबार पनि घटेको छ । आज परिसूचक ५३.१० अंकले घट्दै २४५५.८० बिन्दुमा झरेको छ । आज नेप्से २.१२ प्रतिशतले घटेको हो ।
बजार घटेसँगै कारोबार रकम पनि घटेको छ । आज २२६ वटा कम्पनीको ६५ करोड ६० लाख ९४७ कित्ता सेयर किनबेच हुँदा २ अर्ब ६६ करोड ३९ लाख ९ हजार रुपैयाँको सेयर कारोबार भएको छ ।
पछिल्लो समय सेयर बजार निरन्तर ओरालो लाग्न थालेको छ । राष्ट्र बैंकले मौद्रिक नीति सार्वजनिक गरेसँगै ओरालो लाग्न सुरु गरेको सेयर बजारले अझै गति लिन सकेको छैन ।
