काठमाडौ । नेपाल स्टक एक्सचेन्ज (नेप्से) आज पनि ओरोलो लागेको छ । यो साता पहिलो दिनदेखि नै ओरोलो लागेको नेप्से हिजो बुधबार भने झिनो अंकले फर्किएको थियो ।
साताको अन्तिम दिन आज ४९.०४ अंकको गिरावट आएको छ । यो साता नेप्सेको कारोबार पनि निराशाजनक बन्यो ।
लगानीकर्ताले नेपाल राष्ट्रबैंकले मौद्रक नीतिमार्फत ४.१२ को क्याप हटाउने आशामा थिए तर सो नीतिको सुनुवाई नभएपछि लगानीकर्तामा थप निराशा छाएको हो ।
साताको पहिलो दिन नेप्से ८० अंकले घटेको थियो । सोमबार पनि सेयर बजार २१.५१ अंकले घट्यो । मंलबार १.६४ अंकले घट्यो भने बुधबार सेयर बजारमा ५.२८ अंकको सुधारले झिनो आशा पलाएको थियो । तर साताको अन्तिम दिन सेयर बजा फेरि ओरालो लागेको हो ।
आज नेप्से परिसूचक अंकले ४९.०४ अंकले घटेर २५८४.६१ मा रोकिएको हो ।
आज सबै सेयर बजारका १३ वटै परिसूचक राताम्मे देखिएका छन् । बिहीबार १८८ कम्पनीका ७९ लाख ३२ हजार ७ सय ३१ सेयर खरिद विक्री हुँदा ३ अर्ब ४१ करोड ३५ लाख ८९ हजार १ सय २६ रूपैयाँ बराबरको कारोबार भएको छ ।
आज ११ कम्पनीको सेयर मूल्य उकालो लागेको छ भने १ सय ७७ कम्पनीको सेयर मूल्यमा ओरालो लागेको छ ।
