काठमाडौं । पछिल्लो २४ घण्टामा नेपालमा ३०६ जनामा कोरोना भाइरस संक्रमण पुष्टि भएको छ ।
देशभर गरिएको ८ हजार ८ जनामा पीसीआर परीक्षणबाट २९१ जनामा र १ हजार ५९८ जनामा गरिएको एन्टिजेन परीक्षणका क्रममा १५ जनामा गरी जम्मा ३०६ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यस्तै सोही समयमा ३४८ जना कोरोना संक्रमण मुक्त भएका छन् । यस्तै पछिल्लो २४ घण्टामा कोरोना संक्रमणबाट ६ जनाको मृत्यु भएको छ। यससँगै कूल मृतकको संख्या ११ हजार ४७७ पुगेको छ।
कूल निको हुनेको संख्या ७ लाख ९८ हजार २७४ पुगेको छ। कूल संक्रमितको संख्या पीसीआर विधिबाट ८ लाख १६ हजार ९६६ र एन्टीजेनबाट ९५ हजार ८७ पुगेको छ।
_20241127162555.jpg)
