रोलपा । रोल्पाको माडीमा जीप दुर्घटना भएको छ । दुर्घटनामा जीप चालकसहित चारजनाको मृत्यु भएको जिल्ला प्रहरी प्रमुख प्रहरी नायब उपरीक्षक नरेशराज सुवेदीले जानकारी दिए । त्यस्तै अन्य दुई जना घाइते भएका छन् ।
रोल्पाको माडी गाउँपालिका– ६ हान्निङ भन्ने ठाउँबाट घर्ती गाउँतर्फ जाँदै गरेको रा१ज ३८२ नम्बरको जीप ब्रेक फेलभएपछि आइतबार सडकबाट भीरमा खसेको थियो ।
दुर्घटनामा मृत्यु हुनेहरुमा ५१ वर्षीय सवारी चालक रूद्र घर्तीमगर, ५३ वर्षीय टेकप्रसाद पुन र ४७ वर्षीय चौसरा विक र १६ वर्षीया लीला पुनमगरको मृत्यु भएको छ । तीन जनाको घटनास्थलमै र लीलाको भने उपचारका क्रममा अस्पतालमा मृत्यु भएको हो ।
दुर्घटनामा २१ वर्षीया वीना घर्तीमगर र ६१ वर्षीया पञ्चना विक घाइते भएका छन् । उनीहरुको उपचार भइरहेको छ ।
_20241127162555.jpg)
