काठमाडौं । तिहारपछि खुलेको सेयर बजारको पहिलो दिन परिसूचक दोहोरो अंकले घटेको छ । लक्ष्मीपूजादेखि बन्द भएको बजार सोमबारदेखि खुलेको हो ।
नेप्सेमा आज १९.२ अंकको गिरावटसँगै २८ सय २९ दशमलव ६४ विन्दुमा रोकिएको छ ।
त्यस्तै ‘क’ वर्गको सेन्सेभिट इन्डेक्स भने पनि २ दशमलव ७१ अंकले घट्दै ५२८.३७ बिन्दुमा अडिएको छ ।
यस दिन फाइनान्स, म्युचुअल फन्ड र लगानीको उपसूचक बाहेक सबैजसो उपसमूहहरु घटेका छन् । आज ४ अर्ब ४२ करोडको कारोबार भएको छ ।
कारोबार भएका कम्पनीहरूमध्ये सोमबार ४२ वटाको मात्र मूल्य बढेको छ। १४२ कम्पनीको मूल्य कम भएको छ भने तीन कम्पनीको मूल्य स्थिर छ।
