सल्यान । दाङको तुलसीपुरका लागि छुटेको यात्रुबाहक बस सल्यानमा दुर्घटना भएको छ । दुर्घटनामा १२ जनाको मृत्यु भएको छ भने अन्य १८ जना घाइते भएका छन् ।
ना २ ख २५५२ नम्बरको बस आइतबार कपुरकोट गाउँपालिका–५ खारखोलामा दुर्घटना भएको हो ।
दुर्घटनामा परी १० पुरुष र दुई जना महिलासहित १२ जनाको ज्यान गएको सल्यान प्रहरी प्रमुख डीएसपी गोविन्द थापाले जानकारी दिए । उनका अनुसार ६ जनाको घटनास्थलमै र अन्य ६ जनाको उपचारका लागि अस्पताल लैजाने क्रममा मृत्यु भएको हो ।
मृतकमध्ये एक जनाको मात्रै सनाखत भएको डीएसपी थापाले बताए ।
दुर्घटनामा अन्य ७ को अवस्था गम्भिर रहेको उनले बताए । उनीहरुको हाल जिल्ला अस्पताल खलंगामा उपचार भइरहेको छ । उनीहरुलाई थप उपचारका लागि जिल्ला बाहिर लैजान हेलिकोप्टर मगाइएको पनि डिएसपी थापाले बताए ।
_20241127162555.jpg)
