काठमाडौं । पछिल्लो २४ घण्टामा देशभर ५९१ जनामा कोरोना भाइरस ‘कोभिड–१९’ संक्रमण पुष्टि भएको छ । देशभर ११ हजार ३५५ जनामा परीक्षण गर्दा ५९१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
८ हजार ८ सय ४८ पिसिआर परिक्षणका क्रममा ५ सय २७ जना र २ हजार ५ सय ७ एन्टीजेन परिक्षणका क्रममा ६४ जनामा कोरोना संक्रमण पुष्टि भएको हो ।
त्यस्तै सोही अवधिमा ६६४ जना संक्रमणमुक्त भएका छन् । योसँगै हालसम्म नेपाल ७ लाख ८९ हजार ७ सय ८९ संक्रमित निको भएको मन्त्रालयले जनाएको छ ।
पछिल्लो २४ घण्टामा २ जनाको कोरोना संक्रमणका कारण मृत्यु भएको छ भने योसँगै मृतकको संख्या ११ हजार ३ सय ८२ पुगेको छ ।
नेपालमा कोरोना निको हुनेदर ९७.३ प्रतिशत रहेको छ । हाल सक्रिय संक्रमितको संख्या १० हजार २३६ रहेको मन्त्रालयले जनाएको छ ।
पछिल्लो २४ घण्टामा १ लाख १ हजार ४७५ जनाले कोभिडविरुद्धको खोप लगाएको मन्त्रालयले जनाएको छ ।
_20241127162555.jpg)
