काठमाडौं । विद्यार्थीलाई भारतमा हुने विभिन्न विषयको अध्ययनको विषयमा सम्पूर्ण जानकारी प्रदान गर्न सञ्चालन गरिएको 'स्टडी इन इन्डिया एक्सपो' आज सम्पन्न हुँदैछ । आयोजक संस्था अफेयर्स एक्जिविसन एण्ड मिडियाले एक्सपोमा विश्वका ४५ राष्ट्रका विद्यार्थीलाई भारतको शिक्षा प्रणाली, अध्यापन हुने विषय, विश्वविद्यालयले प्रदान गर्ने छात्रवृत्ति, भौतिक शैक्षिक वातावरणको विषयमा जनकारी दिने दिने काम भैरहेको आयोजकले जनाएको छ ।
एक्सपोमार्फत विद्यार्थीले विश्वविद्यालयकै प्रतिनिधीबाट घरमै बसेर आवश्यक सम्पूर्ण जानकारी प्राप्त गरेका छन् । साथै एक्पोमार्फत ४० भन्दा बढि विश्वविद्यालय, २ सय भन्दा बढि विषय र सत प्रतिशत सम्म छात्रवृत्ति पाउने व्यवस्था गरिएको भारतिय शैक्षिक मानवस्रोत व्यवस्थापन गर्ने संस्था एडसिलका अध्यक्ष एवं कार्यकारी निर्देशक मनोज कुमारले बताए ।
अफेयर्स एक्जिविसन एण्ड मिडियाका कार्यककारी निर्देशक सञ्जिव वोलियाले एक्पोले भारतिय शैक्षिक संस्थालाई विश्वव्यापी रुपमा परिचित गराउन सफल भएको बताए । एक्सपोमा सहभागी हुन विद्यार्थीहरुले यसको वेभसाईट studyinindiaexpo.com मा रजिस्टर गर्न सक्नेछन् ।
