काठमाडौं । प्रधानमन्त्री एवं नेकपा अध्यक्ष केपी ओलीले पार्टीका केन्द्रीय सदस्य र सांसदहरुका लागि आयोजना गरेको चियापान कार्यक्रम सुरु भएको छ। मंगलबार बिहान ११:३० बजेबाट सुरु भएको चियापान कार्यक्रममा ओली समूहका सबै केन्द्रीय सदस्य र सांसदहरु उपस्थित रहेको एक नेताले बताए।
वरिष्ठ नेता माधवकुमार नेपाल पक्षले बहिष्कार गरेको उक्त चियापान कार्यक्रममा नेपाल समूहका ३ सांसद र नेकपा विभाजनका बेला कुनै पनि समूहमा नखुलेका नेता लालबाबु पण्डित पनि उपस्थित रहेको ती नेताले बताए। त्यस्तै यसअघि नेपाल समूहमा खुलेका सांसदहरु समिना हुनेस, विष्णु शर्मा र राधादेवी ज्ञवाली पनि सहभागी रहेको ती नेताले बताए।
चियापान कार्यक्रममा उपाध्यक्ष वामदेव गौतम पक्षधर पनि अनुपस्थित रहेको छ। यता वरिष्ठ नेता माधवकुमार नेपाल पक्षले आजै सानेपामा पत्रकार सम्मेलन र गौतम पक्षले बल्खुमा पार्टी एकता राष्ट्रिय अभियानको केन्द्रीय समितिको बैठक बोलाएका छन्।
_20241128163311.jpg)
_20241127162555.jpg)
