काठमाडौं । राष्ट्रपति विद्यादेवी भण्डारी र प्रधानमन्त्री केपी शर्मा ओलीबीच आज भेटवार्ता भएको छ । राष्ट्रपति भवन शितल निवासमा भएको भेटमा पछिल्लो समयसामयिक परिस्थितीका बारेमा छलफल भएको बताइएको छ ।
प्रधानमन्त्रीको सिफारिसमा राष्ट्रपति भण्डारीले पुस पाँच गते प्रतिनिधि सभा विघटन गरेपछि नेकपामा देखिएको विवाद लगायतका विषयमा केन्द्रित भएर भेटमा छलफल भएको बुझिएको छ ।
प्रधानमन्त्रीले सरकारले निर्वाचनको घोषणा गरिसकेपछिको करिव एक महिनाको अवस्था बारे राष्ट्रपतिलाई अवगत गराएको बताइएको छ । राष्ट्रपति भण्डारीले भने कोरोना भाइरस नियन्त्रणमा सरकारको प्रयास, खोप ल्याउन गरिएका तयारी लगायतमा पनि चासो राखेको बुझिएको छ ।
_20241127162555.jpg)
