काठमाडौं । कोभिड–१९ संकट व्यवस्थापन केन्द्र (सीसीएमसी) ले कोरोना संक्रमण जोखिमको अवस्था मूल्यांकन गरी सबै देशमा उडान अनुमति दिने निर्णय गरेको छ।
मंगलबार बसेको सीसीएमसी निर्देशक समितिको बैठकले अहिले नियमित उडानका लागि स्वीकृति पाएका मुलुकबाहेक अन्य मुलुकमा पनि उडान अनुमति दिने निर्णय गरेको हो। यस्तो अनुमति संस्कृति, पर्यटन तथा नागरिक उड्डयन मन्त्रालयले दिनेछ।
त्यसैगरी बैठकले विभिन्न सरकारी कार्यालयमा केही कर्मचारमिा संक्रमण देखिनेबित्तिकै सम्पूर्ण सेवा बन्द गर्ने प्रवृत्ति बढेको भन्दै त्यस्तो नगर्न पनि निर्देशन दिएको छ। संक्रमितलाई आइसोलेसनमा राखेर सेवा नियमित गर्न निर्देशन दिइएको हो।
