काठमाडौं । नेपालमा पछिल्लो २४ घण्टामा थप २०२० जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या ६१ हजार ५९३ पुगेको छ । स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले विहीबार नियमित लाइभ अपडेटमा उक्त जानकारी दिएका हुन् ।
हालसम्म नेपालमा सक्रिय संक्रमितको संख्या १७ हजार ३८३ जना रहेका छन् । पछिल्लो २४ घण्टायता ८७१ जनाले कोरोनालाई जितेका छन् । यससँगै कोरोना जित्नेको सुंख्या ४३ हजार ८२० पुगेको छ ।
आज थप ७ जनाको निधन भएको छ । यससँगै कोरोनाकै कारण ज्यान गुमाउनेको संख्या ३९० पुगेको छ ।
