काठमाडौं । पछिल्लो २४ घन्टामा काठमाडौं उपत्यकामा ४८१ जना कोरोना संक्रिमत थपिएका छन्। योसँगै उपत्यकामा कोरोना भाइरसबाट संक्रमित हुनेको संख्या ६ हजार २ सय ६ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
आज काठमाडौंमा ३९३, ललितपुरमा ५८ र भक्तपुरमा ३० जना संक्रमित थपिएको मन्त्रालयले जनाएको छ। आज १२ हजार ८८ जनाको पिसिआर आज परीक्षण भएको थियो । हाल ७ हजार ३९० जना क्वारेन्टाइनमा छन्।
आज नेपालभर भने १ हजार ६९ जना कोरोना संक्रमित थपिएका छन् । पछिल्लो २४ घण्टामा ७६८ जना कोरोना संक्रमणमुक्त भएका छन्। योसहित २२ हजार १७८ निको भएका छन्।
