काठमाडौं । पछिल्लो २४ घन्टामा नेपालमा थप ८९९ जनामा कोरोना भाइरसको संक्रमण देखिएको छ। देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन्।
यससँगै नेपालमा कोरोना संक्रमित हुनेको संख्या ३९ हजार ४६० जना पुगेको छ। हाल १७ हजार ८२२ जना संक्रिय संक्रमित छन् भने संस्थागत आइसोलेसनमा १० हजार ७०१ छन्। होम आइसोलेसनमा ७ हजार १ सय २१ जना छन्।
आज ११ हजार ९२९ जनाको पिसिआर परीक्षण भएको छ। हालसम्म २१ हजार ४१० जना निको भएका छन्। यो कुल संक्रमितको ५४ प्रतिशत प्रतिशत हो।
पछिल्लो २४ घण्टायता ७ जनाको निधन भएको छ । यससँगै नेपालमा कोरोनाको कारण ज्यान गुमाउनेको संख्या २२८ पुगेको छ ।
