काठमाडौं । नेपालमा पछिल्लो २४ घण्टामा थप ८८४ जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या ३७ हजार ३४० पुगेको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले शनिबार नियमित लाइभ अपडेटमा दिएको जानकारी अनुसार पछिल्लो २४ घण्टामा १० हजार ९७१ नमूना परीक्षणमा थप ८८४ जना संक्रमित भएको जानकारी दिएका हुन् ।
आज ३१३ जना डिस्चार्ज भएसँगै हालसम्म २० हजार ५ सय ५५ जना निको भएर घर फर्किएका छन् ।
पछिल्लो २४ घण्टामा थप १२ जनाको मृत्यु पुष्टि भएसँगै नेपालमा कोरोनाका मृतक २०७ पुगेको हो । यो संख्या कुल संक्रमतिको ० दशमलब ५ प्रतिशत रहेको स्वास्थ्य मन्त्रालयले जनाएको छ । मन्त्रालयका प्रवक्ता डा।जागेश्वर गौतमले नियमित लाइभ अपडेटमा उक्त जानकारी दिएका हुन् । मन्त्रालयका अनुसार शनिबार कोरोनाले ज्यान गुमाउनेहरुमा ३ जना महिला र ९ जना पुरुष रहेका छन् ।
