काठमाडाै. । सत्तारुढ दल नेपाल कम्युनिस्ट पार्टी (नेकपा) का दुई अध्यक्ष केपी शर्मा ओली र पुष्पकमल दाहाल प्रचण्डबीच आज भेटघाट भएको छ । शुक्रबार बिहान ११ बजेपछि दुई अध्यक्षबीच एक घन्टा छलफल भएको दाहालका प्रेस संयोजक विष्णु सापकोटाले जानकारी दिए ।
दुई अध्यक्षबीच यही साउन ६ गतेपछि भएको यो पहिलो भेट हो । यही साउन ६ गते केही मिनेट बसेको नेकपाको स्थायी कमिटी बैठक थप छलफल आवश्यक रहेको भन्दै १३ गते बस्ने गरी स्थगित गरिएको थियो ।
थप छलफल गर्ने भनिए पनि दुई अध्यक्षकै बीचमा ६ गतेदेखि छलफल हुन सकेको थिएन । आजको भेटमा पार्टीभित्रको विवाद अन्त्यको लागि सहमति खोज्ने प्रयास भएको बताइन्छ ।
