काठमाडौं । पछिल्लो २४ घण्टायता नेपालमा १५६ जना कोरोना संक्रमित फेला परेका छन् । यससँगै नेपालमा कोरोना संक्रमितको संख्या १७ हजार ६५८ पुगेको छ ।
स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमले दिएको जानकारीअनुसार विगत २४ घण्टामा देशभरका २७ वटा प्रयोगशालामा तीन हजार ७ सय ४१ जनाको पिसिआर विधिबाट परीक्षण गर्दा जम्मा १५६ जनामा कोरोना देखिएको हो ।
कोरोना निको भएर आइतबार ५८ जना घर फर्किए भने अहिलेसम्म कोरोना निको हुनेको संख्या ११ हजार छ सय ९५ पुगेको छ। कोरोनाबाट नेपालमा ४० जनाको मृत्यु भइसकेको छ।
