काठमाडौं । पछिल्लो २४ घण्टायता २३२ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले दिएको जानकारी अनुसार देशका बिभिन्न प्रयोगशालामा भएको परीक्षणमा २३२ जनामा कोरोना संक्रमण पुष्टि भएको हो ।
यससँगै नेपालमा कोरोना संक्रमितको संख्या १५ हजार ४ सय ९१ पुगेको छ । पछिल्लो २४ घण्टामा केवल ४ हजार ५० जनाको पीसीआर परीक्षण भएको थियो ।
पछिल्लो २४ घण्टामा २७२ जना डिस्चार्ज भएका छन् । यससँगै कोरोना संक्रमण निको भएर ६ हजार ४ सय १५ जना घर फर्किएका छन् । संक्रमितमध्ये ३४ जनाको निधन भैसकेको छ । पछिल्लो २४ घण्टामा २ जनाको निधन भएको छ ।
