काठमाडौं । पछिल्लो २४ घण्टायता ७४० जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले दिएको जानकारी अनुसार देशका बिभिन्न प्रयोगशालामा भएको परीक्षणमा ७४० जनामा कोरोना संक्रमण पुष्टि भएको हो ।
यससँगै नेपालमा कोरोना संक्रमितको संख्या १५ हजार २ सय ५९ पुगेको छ ।
पछिल्लो २४ घण्टामा ८२३ जना डिस्चार्ज भएका छन् । यससँगै कोरोना संक्रमण निको भएर ६ हजार १ सय ४३ जना घर फर्किएका छन् । संक्रमितमध्ये ३२ जनाको निधन भैसकेको छ ।
