काठमाडौं । पछिल्लो २४ घण्टायता ४८२ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले दिएको जानकारी अनुसार ३६५ जना पुरुष र ११७ जना महिला गरी आज ४८२ जना संक्रमित थपिएका हुन् ।
यससँगै नेपालमा कोरोना संक्रमितको संख्या १४ हजार ४६ पुगेको छ । जसमध्ये १२ हजार २ सय ७२ जना पुरुष र १ हजार ७ सय ७४ जना महिला रहेका छन् ।
नेपालमा ४ हजार ६ सय ५६ जनाले कोरोनालाई जितेका छन् । संक्रमितमध्ये ३० जनाको निधन भैसकेको छ । पछिल्लो २४ घण्टामा केवल ४ हजार ८ सय ८६ जनाको मात्र कोरोना परीक्षण भएको थियो ।
