प्रचण्डको दाबी : हामी जेन-जीको अभिभावक हौं, युवाहरुको मुद्दालाई सम्बोधन गरेका छौं

काठमाडौं। नेपाली कम्युनिस्ट पार्टीका संयोजक पुष्पकमल दाहालले जेनजी युवाहरूको माग आफूहरुले सम्बोधन गरेको दाबी गरेका छन् ।उनले अहिलेपनि आफूहरु जेनजीको असली अभिभावक भएको दाबी गरे । आज (मंगलबार) पार्टी कार्यालय पेरिसडाँडामा आयोजित पार्टी प्रवेश कार्यक्रमलाई सम्बोधन गर्दै उनले यस्तो बताएका हुन् ।

सम्बोधनको क्रममा उनले भने,‘हामीले युवाहरूको मुद्दालाई सम्बोधन गरेका छौँ । युवाका सही आवाजलाई सबैभन्दा पहिले समर्थन ग¥यौँ। बलपूर्वक दमन नगरियोस् भनेर सरकारलाई खबरदारी ग¥यौँ । जेनजी पुस्ताहरूको असली अभिभावक नेपाली कम्युनिस्ट पार्टी हो भन्ने कुरा बुझ्दै गएका छन् । हजारौँ युवाहरू पार्टीमा समाहित हुने कुरा बढेको छ ।’ सो क्रममा उनले अबको निर्वाचनमा नेकपा एक नम्बरको शक्ति बन्ने दाबी गरे ।