काठमाडौं। नेकपा (एमाले)ले आज ‘नेसनल भोलेन्टियर फोर्स’ (एनभीएफ) घोषणा गर्दैछ। अहिले बिहान ११ बजे पार्टी अध्यक्ष केपी शर्मा ओलीले बबरमहलस्थित कार्की व्यांक्वेटमा एनभीएफ फोर्सको घोषणा गर्न लागेका हुन् ।
पार्टीमा नीति र नेतृत्वको सुरक्षाका लागि फोर्स घोषण गर्नुअघि एमाले कार्यकर्ताहरुले माइतीघर मण्डलामा भेला भएर नयाँ बानेश्वरसम्म मार्चपास गर्ने तयारी रहेको छ ।
समाजमा बढेको असुरक्षा, अशान्ति र भदौ २३–२४ को घटनापछि आम मानिसको खस्किएको मनोबल उठाउन एनभीएफ घोषणा गर्न लागिएको एमालेको भनाइ छ । फोर्सले राज्यका निकायलाई सहयोग गर्ने, भय र असुरक्षाबाट जनतालाई मुक्त गर्ने, सुरक्षा निकायलाई सहयोग गर्ने, प्राकृतिक प्रकोप भएका बेला राहात तथा उद्धारमा सहयोग गर्ने उद्धेश्य राखिएको छ । पार्टीको जनसंगठन समन्वय संयन्त्रका प्रमुख भानुभक्त ढकालले फोर्स गठनका लागि १५ दिनअघि कार्यदल बनाएका थिए ।
सो कार्यदलको संयोजक पोलिटब्यूरो सदस्य महेश बस्नेत थिए । उक्त कार्यदलले विधान, लोगो, झण्डा, कार्यसमिति, उद्धेश्य र भावी कार्यक्रमसहित फोर्स निर्माण गरेको हो । उक्त फोर्ससहित अब एमालेमा २४ जनसंगठन रहने भएको छ ।
_20251121110738.png)
_20251031075116.JPG)
