काठमाडौं । नेपाल विद्युत् प्राधिकरणको नयाँ कार्यकारी निर्देशक आएसँगै बोर्ड बैठक बसेको छ । कार्यकारी निर्देशक हितेन्द्रदेव शाक्य आएसँगै प्राधिकरणको बोर्ड बैठक बसेको हो ।
बैठकले प्राधिकरणको अवस्था देखाउन स्वेतपत्र जारी गर्ने निर्णय गरेको छ । यस्तै, पीपीए खोल्नेलगायत निर्णय पनि गरेको बोर्डका एक सदस्यले जानकारी दिए ।
“घिसिङले प्राधिकरणको अवस्था कस्तो बनाएका छन्, त्यसको बारेमा स्वेतपत्र जारी गर्ने निर्णय बैठकले गरेको छ,” ती सदस्यले भने ।
यसअघि शाक्यले मंगलबार शपथग्रहण गर्दै प्रधिकरणको अवस्था बाहिरबाट देख्दा मात्र राम्रो भएको प्रतिक्रिया दिएका थिए ।